JUVENTUS ĆE ZADRŽATI MILIKA
Poznato koliko će to koštati "Staru damu"

Juventus je ostao bez 10 bodova, a na taj način i bez Lige šampiona iduće sezone, ali su se čelnici “Stare dame” već okrenuli narednoj i igračkom kadru koji će ih činiti.

Tako su “bjankoneri” donijeli odluku o statusu Arkadiuša Milika, koji je u Torinu kao posuđen igrač francuskog Marseja.

Italijanski mediji prenose kako je Juventus donio odluku da otkupi poljskog reprezentativca, te ćemo ga i naredne sezone gledati u crno-bijelom dresu. Cijena koju je Marsej postavio je izuzetno niska, pa će italijanski velikan francuskom platiti samo sedam miliona evra.

Ove sezone je nastupio na 37 utakmica, postigao devet golova i upisao jednu asistenciju. U Seriji A pogodio je sedam puta, što ga čini drugim golgeterom tima.