REMI URUGVAJA I JUŽNE KOREJE
Još jedan meč bez golova

Selekcije Urugvaja i Južne Koreje remizirali su 0:0 na startu Mundijala u Kataru. Urugvaj je bio favoriti, ali Južna Koreja je još jednom pokazala da su ozbiljna selekcija i da će predstavljati problem svima.

Urugvajci su u ovaj meč ušli kao favoriti, ali su i igrači Južne Koreje agresivno ušli u ovaj meč, pa je to i obilježili otvaranje meča. Prvu priliku na utakmici vidjeli smo u 19. minuti kada se Valverde odlično ubacio između štopera Južne Koreje i uputio udarac koji je otišao ipak preko gola. To kao da je probudilo Urugvajce koji su od tada preuzeli inicijativu na meču i stvarali šanse, ali bez golova.

I onda 34. minuti i najbolja šansa na utakmici. Hvang je ispratio povratni pas i sa samo pet metara loptu umjesto u gol poslao daleko na tribine. Pred sam kraj prvog poluvremena, najbolju šansu na utakmici imao je Diego Godin, koji je nakon kornera odlično zahvatio loptu glavom, ali stativa je bila saveznik Južne Koreje, pa se rezultat do kraja prvog dijela nije mijenjao.

U drugom poluvremenu vidjeli smo dosta borbe na obe strane. Južna Koreja nije prestala sa ofanzivnim pristupom što je sigurno iznenadilo Urugvajce koji su očekivali da će Korejanci u drugom poluvremenu fizički pasti. Na prvu pravu priliku u drugom poluvremenu čekali smo do 62. minute, kada je Godin poslao odličnu dugu loptu sa svoje polovine, a najbrži bio je Nunjez, ali njegov udarac brani Kim.

U posljednjih dvadeset minuta utakmica se rasplamsala. Urugvajci su prijetili iz kornera, dok je dobru priliku u 75. minuti imala Koreja, kada je Son ubacio loptu u kazneni prostor Urugvajaca, ali odbrana Urugvaja je to očistila. Do kraja utakmice vidjeli smo još jednu veliku šansu za Urugvajce. Valverde je sa više od 20 metara raspalio po lopti, ali sreća je opet bila uz Južnu Koreju jer je lopta završila samo na stativi.

Urugvaj će u narednom kolu za četiri dana igrati sa Portugalom od 20.00 časova, dok će Južna Koreja snage odmjeriti sa Ganom od 14.00 časova.