Pred fudbalerima Mančester junajteda nalazi se najteži ispit od starta sezone u Premijer ligi.
U sklopu trećeg kola na svom stadionu dočekaće ljutog rivala ekipu Liverpula, koja igra u dobroj formi, jer je ostvarila dvije pobjede u isto toliko mečeva od starta Premijer lige. Šef struke Mančester jundjteda Erik ten Hag nije puno zabrinut zbog toga, pa je pred ovaj meč koji je veoma važan za svakog navijača tima sa Old traforda izjavio da je u njegovom mandatu postoje mnoge pozitivne stvari.
Junajted je pod Ten Hagom uspio da osvoji FA kup, kao i Liga kup, dok je pred start ove sezone bio bolji u Komjuniti Šildu od Mančester sitija.
“Ne računajući Mančester Siti, mi smo osvojili najviše trofeja u ove dvije godine. Tako da bili smo bolji od ostalih. To je stvarnost. To su činjenice. Ove godine želimo trofeje i prilično sam uvjeren da ćemo do njih doći” ,rekao je Ten Hag.
Junajted poslije dva kola u Premijer ligi ima polovičan učinak od jedne pobjede i poraza i trenutno se nalazi na 13. mjestu tabele. Sve vijesti iz Engleske lige pronađite OVDJE, a najbolje kvote i ponudu u AdmiralBet-u.
