Kako prenose mediji u Španiji košarkaš Denvera, Dario Šarić, od naredne sezone nosiće dres člana AdmiralBet ABA lige, Dubaija.
Šarić nema adekvatnu minutažu u timu iz Kolorada, pa je donio odluku da se vrati u Evropu. Djelovalo da će Real biti njegov izbor, jer je na stolu imao poziv “kraljevskog kluba”, do dogovora ipak nije došlo.
Hrvatski košarkaš je, prema navodima španskog portala “Encestando”, koji je prvi i pisao o interesovanju Reala, odbio ugovor od milion evra po sezoni koju je imao od Madriđana.
Umjesto Reala, Šarić je izabrao ambiciozni Dubai, sa kojim je već postigao dogovor, piše isti izvor.
Njegova odluka je pokvarila planove Madriđana, koji će sada morati da traže na drugoj strani igrača sličnog profila. To je trebalo da bude košarkaš Barselone Čimeze Metu, ali ni sa njim Real nije imao sreće, jer se ovaj teže povrijedio i za njega je sezona završena. Sve vijesti iz AdmiralBet ABA lige pronađite OVDJE.
