PODGORIČANI PALI U ’’PAKLU ARENE’’
Partizan rutinski dobio derbi kola
Dvanaesto kolo AdmiralBet ABA lige donijelo nam je derbi između Partizana i Budućnosti u “Areni”, a crno-bijeli su bili bolji u ovoj utakmici rezultatom 96:83.
Počelo je trojkama Mihailovića i Makundua, a gosti su držali prednost na startu zahvaljujući dobroj igri u napadu i nešto ležernijem ulasku u meč Partizana.
Svega pet poena crno-bijelih u prvih pet minuta, a onda su u igru ušli Doužer i Anđušić, pa je Partizan smanji na 10:11.
Bruno Kaboklo je bio veoma raspoložen, udarna igra crno-bijelih u prvih deset minuta, ali je drugoj strani dvije trojke Pola pa je Budućnost vratila sedam poena razlike.
Upravo je Brendon Pol svojom trećom trojkom donio Budućnosti čitavih 10 poena viška nakon čega je Obradović tražio tajm-aut. Doužer je odmah ponovo kupio ofanzivni skok, poentirao, pa onda postigao još dva poena poslije varke, radio je sve što je bilo potrebno u napadu.
Trojkom Anđušića Partizan je stigao na -5, ali su gosti sa 7 poena razlike otišli na odmor.
Nekako su košarkaši Partizana bili previše brzopleti u napadu, ali je trojka Bruna Kabokla vratila crno-bijele u potpunosti u meč.
Naneli je imao seriju 5:0, pa je Partizan poveo sa 33:31 nakon čega je Žakelj tražio tajm-aut. Nije im previše značio, jer je ekipa Željka Obradovića nastavila da niže dobre odbrane, Panter je pogodio trojku poslije serije driblinga za 38:31 dok se halom orilo “Haris Brkić” u čast prerano preminulom košarkašu Partizana koji nas je napustio prije 23 godine.
Od 25:31 Partizan je serijom 15:0 stigao do 40:31 sve do trojke Jogija Ferela i tada je krenula serija gostiju koju je Željko Obradović morao da siječe tajm-autom na kom je bio prilično bijesan.
Stekao je Partizan i dvocifrenu prednost u drugom poluvremenu, Doužer nije planirao da stane, ali je Budućnost držala korak, kakav-takav, nije dozvolila crno-bijelima da se razmahnu i da steknu preozbiljnu, nedostižnu prednost.
Prednost je bila između 8 i 12 gotovo čitavu četvrtinu, ali na kraju su crno-bijeli “stegli” odbranu, i početkom posljednje dionice stigli su do +17 poslije trojke Tristana Vukčevića, ali je Mihailović sa pet uzastopnih poena vratio onu staru razliku.
Gosti su uspjeli da spuste ispod 10 poena, ali je to bilo samo za kratko, pobjeda Partizana nije dolazila u pitanje.
Kaboklo je imao 21 poen, Doužer 17, Ledej 12, a Naneli 10, koliko je imao i Vukčević. Niko u redovima Partizana nije igrao više od 29 minuta, koliko je igrao Kaboklo. U Budućnosti Ferel 17, Pol 16, po 12 Makundu i Džons.
Danas nisu igrali Frenk Kaminski, Aleksa Avramović i Uroš Trifunović.
Vi sve zanimljivosti vezane za AdmiralBet ABA ligu pronađite OVDJE, a najbolje kvote i ponudu u AdmiralBet poslovnicama.
Izvor fotografije: AdmiralBet ABA Liga/Dragana Stjepanovic