ALEGRI O VLAHOVIĆU
‘’Protiv Intera je odigrao najbolji meč od dolaska’’
Masimilijano Alegri, trener Juventusa, zadovoljan je bio partijom koju je njegova ekipa pružila u pobjedi nad Interom (1:0).
Iako na šestoj utakmici u nizu Dušan Vlahović nije postigao gol kada je Serija A u pitanju, Alegri je istakao da je to bio njegov najbolji meč od dolaska iz Fjorentine prošle zime.
‘’Cijeli tim se generalno popravio. Branili smo se dobro timski, nismo im dozvolili da stvaraju prilike. Mislim da je sada Dušan Vlahović odigrao najbolju utakmicu od dolaska u Juventus, a Kostić je mnogo napredovao defanzivno i u tajmingu. Izbor završnog pasa kada napadamo moramo da popravimo, ali ovaj tim ima srce i odlučnost. Uvijek kažem da nije lako onima koji nisu u ovoj situaciji. Uzeto nam je 15 bodova, to nije lako, ali došli smo do četvrtfinala Lige Evrope, polufinala Kupa Italije i zadržali smo strast prema onome što radimo’’, rekao je Alegri.
Potom se osvrnuo i na sporni detalj sa tog meča kod gola Filipa Kostića, kada je sudija provjeravao da li je igranje rukom prethodilo pogotku.
‘’Odluke sudija moraju da se prihvate, na ovaj ili onaj način. Nismo pratili dramu u Salernitani kada smo oštećeni, a i već smo imali poništen gol protiv Intera kada nije jasno rečeno da je bila ruka. Juve je džentlmen u ovoj situaciji, ne pravi probleme. Pričajte o fudbalu, ne sudijama’’, zaključio je Alegri.
Izvor fotografije: AFP