BARSELONA POKLEKLA, PSŽ U POLUFINALU (VIDEO, FOTO)
Katalonci opet ostali bez polufinala
16/04/2024•
byVukašin Ljubanić
Fudbaleri PSŽ-a savladali su u gostima ekipu Barselona rezultatom 4:1 i tako se plasirali u polufinale Lige šampiona, a protivnik će im biti ekipa Borusije Dortmund.
Početak utakmice pripao je gostujućoj ekipi koja je željela gol na samo otvaranju utakmice kako bi se rezultatski vratila u igru. Pokušavali su Parižana da probiju dobro postavljene blokove Barselonine odbrane ali bez uspjeha. A onda je uslijedio pravi šok, Katalonci su odigrali brzu akciju, a u petercu se najbolje snašao Rafinja i pogodio za 1:0.
Kada je djelovalo da će Barselona svim silama pokušati da zatvori utakmicu i da iskoristi stečenu prednost Barkola prima odličnu loptu i bježi Arauhu, koji ga faulira kao posljednji igrač odbrane. Nije bilo puno dileme za arbitra koji pokazuje direktan crveni karton. Dembele dobro šutira iz slobodnog udarca, ali lopta odlazi malo preko gola.
Jasno je bilo u tim momentima da će ekipa PSŽ-a još više pritisnuti domaću ekipu koja je ostala sa igračem manje, dobru akciju su Parižani odigrali u 40. minuti, Barkola dobro centrira, Mbabe ne uspijeva da ubaci loptu u gol, ali na drugoj stativi je bio Dembele koji pogađa za 1:1. Sa ovim rezultatom se otišlo na odmor pred finalnih 45 minuta.
Nastavak meča donosi još ofanzivniji PSŽ, koji je želio da iskoristi brojčanu nadmoć i da riješi utakmicu u svoju korist. Već u 54. minuti Vitinja koristi asistenciju Hakimija i pogađa za 2:1. Samo sedam minuta poslije Kanselo neoprezno startuje u svom šesnaestercu i sudija pokazuje na bijelu tačku. Siguran egzekutor je bio Mbape, 3.1.
Nošeni publikom fudbaleri Barselone su krenuli u potpunu ofanzivu, Levandovski je u 87. minuti imao izglednu priliku, ali je bio sebičan, i nije bilo promjene rezultata. Nakon šanse koju je popusti Poljak, PSŽ trči sjajnu kontru, Ter Štegen brani prvi udarac Mbapeu, lopta se opet sretno odbija do Francuza koji stavlja tačku na ovaj meč i pogađa za 4:1. Želio Mbape da upiše još jedan het-trik na gostovanju Barseloni, ali Ter Štegen se iskazao. Ostalo je 4:1.
Sve vijesti iz Lige šampiona pronađite OVDJE, a najbolje kvote i ponudu u poslovnicama AdmiralBet-a