Met-Tomas Profimedia

BARSELONA SE PONOVO POJAČAVA IZ NBA
Prošle sezone igrao za Čikago

Barselona se protekli sezona pojačavala nekim zvučnim imenima iz NBA a izgleda da nema kraja pojačanjima Katalonaca iz najjače lige svijeta.

Nakon što su ovog ljeta doveli Tomasa Satoranskog iz Vašingtona, sada iz Barselone žele novog NBA igrača. Na Barseloninom radaru je Met Tomas koji je prošle sezone igrao za Čikago a prethodne tri sezone proveo je u najboljoj ligi svijeta, a sada je slobodan igrač.

Odlični šuter je karijeru počeo u Evropi gdje je nastupao za Obradoiro i Valensiju dvije sezone nakon što 2017. godine nije draftovan, a onda ga je 2019. godine doveo Toronto. Ostao je u Kanadi sezonu i po, onda je otišao u Jutu, pa u Čikago i ukupno je odigrao 126 NBA mečeva.

Barselona je već puna nekadašnjih NBA zvijezda, čak osam igrača iz sadašnjeg sastava igralo je u najboljoj ligi na svijetu, a Rokas Jokubaitis još nije iako ga je Oklahoma draftovala. Met Tomas bi bio deveto NBA pojačanje u ovom timu. 

Šarunas Jasikevičijus i njegov tim loše su počeli evroligašku sezonu i imaju skor od dvije pobjede i dva poraza, a očigledno da uprava misli da je problem u igračima, a ne u treneru. 


Izvor fotografije: PROFIMEDIA

Comments are closed.