BOHUM UMALO DA PROKOCKA TRI GOLA PREDNOSTI (VIDEO, FOTO)
Odlično drugo poluvrijeme Uniona nedovoljno za bodove
Bohum je u fantastičnoj utakmici 32. kola Bundeslige u gostima savladao ekipu Uniona, rezultat je bio 4:3.
Nevjerovatan meč vidjeli smo u njemačkoj prestonici gdje je Bohum ostvario drugu pobjedu zaredom i tako povećao svoje šanse za opstanak. U redovima gostiju u prvoj postavi nije bilo Erhana Mašovića koji je ušao u igru tek krajem meča, a to nije spriječilo “Plave” da već poslije prvih 45 minuta povedu sa čak 3:0.
Veoma raspoloženi Maksimilijan Vitek pogađao je u 16. i 31. minutu, da bi šest minuta kasnije Keven Šloterbek dodatno uvećao prednost Bohuma. Nenad Bjelica je na poluvremenu izvršio čak tri izmene koje su pozitivno uticale na Union, pa je domaćin za četiri minuta uspio da se maltene vrati u meč golovima Jorbea Fertesena u 59. i Krisa Bedije u 63. minutu. Bohum je odgovorio novim pogotkom kada je Filip Hofman u 70. minutu matirao Ronoa, a četiri minuta kasnije Benedikt Holerbah je ponovo umanjio zaostatak Uniona.
Do kraja meča nije bilo promjene rezultata, pa je Bohum današnjom pobjedom preskočio upravo Union u borbi za opstanak u Bundesligi. Sve vijesti iz Njemačke lige pronađite OVDJE, a najbolju ponudu i kvote u AdmiralBet poslovnicama.
Izvor fotografije: X