FINCI RUTINSKI SA VENECUELOM (VIDEO)
Markanenov šou za kraj Mundobasketa
Košarkaši Finske završili su takmičenje na Svjetskom prvenstvu pobjedom nad Venecuelom rezultatom 90:75 u razigravanju od 17. do 32. mjesta.
Centralna figura utakmice bio je Lauri Markanen sa 32 poena.
Finci su tako Mundobasket završili sa učinkom od dvije pobjede i tri poraza dok je Venecuela upisala i peti poraz u isto toliko mečeva.
Predvođena Markanenom i Sainom, Finska je od starta nametnula svoj ritam i već tada pokazala da će se samo ona pitati za dešavanja na terenu. Venecuela je, na drugoj strani, igrala na mahove.
Serija 10:0 krajem prve dionice bila je i najproduktivniji period meča za Južnoamerikance, koji su se, takođe, i krajem treće dionice primakli rivalu na samo dva poena zaostatka.
Međutim, stigao je ekspresan odgovor Markanena – trojka u posljednjoj sekundi tog perioda koja je bila najava daleko bolje partije Finaca u posljednjoj četvrtini.
Lauri goes up for the slam! 💥#FIBAWC x #WinForFinland 🇫🇮 pic.twitter.com/Iz7NJgnu0N
— FIBA Basketball World Cup 2023 🏆 (@FIBAWC) September 2, 2023
Nije bilo trzavica, Finska je lako stekla dvocifrenu razliku i mirno privela meč kraju.
Lauri Markanen je na kraju meč završio sa 32 poena što mu je i najbolji košgeterski učinak na turniru koji završava sa 23 poena u prosjeku po utakmici.
Salin i Valtonen su doprinijeli trijumfu sa po 11 poena.
Kod Venecuele, bolji od ostalih bio je Čurio sa 17 poena, dok je Materan donio 14.
Kasnije, u istoj grupi, Japan igra protiv Zelenortskih Ostrva i u slučaju pobjede završiće takmičenje u ovoj grupi razigravanja ispred Finaca.
Više informacija sa Mundobasketa pronađite OVDJE, a najbolje kvote sa istog vas čekaju samo u AdmiralBet poslovnicama.
Izvor fotografije: FIBA