LEVERKUZENU PRIPAO DERBI NA OTVARANJU BUNDESLIGE
Goleada u Augsburgu, ''petarda'' Štutgarta
Goleadom u Bremenu, Bajern je u petak na najbolji način otvorio novu sezonu Bundeslige, a danas u terminu od 15.30 časova odigrano je pet utakmica. U derbiju kola Leverkuzen je na svom terenu savladao Lajpcig sa 3:2.
Poveli su ”Apotekari u 24. minuti preko Frimponga, a u 35. pogotkom Taha već je bilo 2:0. Lajpcig se vratio preko svog do sada najboljeg igrača koji je Bajernu postigao tri gola, Danija Olma četiri minuta kasnije. Sa tim rezultatom se otišlo na odmor, a nova promjena rezultata desila se u 64. minuti kada je Virc donio domaćinu novu prednost od dva gola. Ipak sedam minuta kasnije novo pojačanje gostiju Openda je svojim prvim golom za tim smanjio na ispostaviće se konačnih 3:2.
Goleadu smo vidjeli i u Augsburgu gdje je domaćin remizirao sa Borusijom Mehengladbahom 4:4. Iako su gosti vodili sa 2:0 i 3:1, domaćin se nije predavao do poluvremena stigao do izjednačenja golom Mičela iz jedanaesterca. U drugom poluvremenu gol smo vidjeli tek u 76. minuti kada su domaći prvi put poveli. Precizan je bio Vargas za vodstvo od 4:3. U sedmoj minuti sudijske nadoknade gosti su preko Tomasa Cvancara iz jedanaesterca došli do boda.
Štutgart je na svom terenu deklasirao Bohum sa 5:0. Dva puta su pogađali Žirasi (18, 77) i Silas (60,67), dok je jedan gol postigao Zagadu u 38. minuti. Hofenhajm je razočarao svoje navijače pošto je kod kuće izgubio od Frajburga 2:1. Gosti su sa brza dva gola na kraju prvog poluvremena došli do prednosti, a Kabak je u 51. donio nadu domaćinu, ali više od toga nisu mogli.
Volfsburg je na svom stadion savladao novog bundesligaša ekipu Hajdenhajma sa sigurnih 2:0, a junak ”zelenih” bio je dvostruki strijelac Jonas Vind u 6. i 27. minuti.
SVI REZULTATI:
Petak:
Verder Bremen – Bajern Minhen 0:4
Subota:
Augsburg-B. Mehengladbah 4:3
B. Leverkuzen – Lajpcig 3:2
Hofenhajm – Frajburg 1:2
Štutgart – Bohum 5:0
Vosfsburg – Hajdenhajm 2:0
B. Dortmund – Keln 18:30 časova
Izvor fotografije: EPA