MANČESTER MOĆAN
Novi rekord Halanda
Mančester siti upisao je i drugu pobjedu od kada je završena mundijalska pauza. Nakon pobjede protiv Liverpula u Liga kupu, Građani su sada slavili na gostovanju Lidsu u Premijer ligi.
Siti je slavio rezultatom 3:1 (1:0).
Lomili su izabranici Pepa Gvardiole Lids tokom cijelog prvog poluvremena, imali nekoliko promašenih zicera, a na kraju su značajno bolju igru u ovom dijelu meča krunisali „samo“ jednim golom. Strijelac je u prvom minutu nadoknade bio Rodri.
Tek što je meč nastavljen, u 51. minutu, Džek Griliš je asistirao Erlingu Halandu koji pogađa za 2:0.
A onda još jednom isti dvojac u akciji u 64. minutu. Haland je tako postigao 20. gol na 14 mečeva odigranih u Premijer ligi. Nikada ni jedan igrač nije tako brzo došao do 20 golova u Premijer ligi kao mladi Norvežanin.
Konačan rezultat postavljen je u 73. minutu, Grinvud je bio u ulozi asistenta, a strelac za Lids bio je Strujik.
Siti sada na drugom mjestu na tabeli ima pet bodova manje od Lidera Arsenala, Građani imaju 35 bodova iz 15 mečeva. Lids je 15. na tabeli sa 15 bodova.
Izvor fotografije: Reuters