MONAKO I BEN JEDER ‘’RAZORILI’’ PSŽ
Parižani u lošoj formi
PSŽ je nastavio da posrće sa rezultatima.
Galtije je na teren poslao tim bez Mbapea, Mesija i Veratija što je Monako znao da iskoristi.
Odlično su igrali “kneževi” i već do osamnaestog minuta ostvarili prednost od 2:0. U četvrtom minutu je Golovin pogodio za 1:0 poslije asistencije Ben Jedera, da bi se i sam Francuz upisao u strijelce u 18. minutu.
Pokušao je PSŽ da smanji u 21. minutu, Ekitike je imao dobar pokušaj, ali Nubel dobro reaguje. Uzvratili su Golovin i Ben Segir su imali dobre šanse. Parižani dolaze do gola, Bernat sjajno nalazi tinejdžera Zairea-Emerija koji pogađa za 2:1 u 39. minutu.
Monako je pak zadržao prednost od dva gola, Ben Jeder u nadoknadi postiže svoj drugi gol na utakmici. Monako vodi 3:1 poslije prvog poluvremena.
Mogao je francuski napadač da dođe i do het-trika, ali Donaruma odlično brani šut Ben Jedera na isteku sata igre. Mogao je Monako i do ubjedljivije pobjede, Donaruma je spasavao PSŽ poslije šuteva Golovina i Embola. PSŽ tako veže drugi poraz u nizu, izbacio ih je Marsej iz kupa sredinom nedjelje, a za par dana ih čeka težak duel sa Bajern Minhenom.
Izvor fotografije: AP Photo