MORNAROVA ‘’BOMBA’’ (VIDEO)
Stigla zamjena za Derona Rasela
21/01/2023•
byNikola Kukric
Ono što je sinoć najavljeno, danas je ozvaničeno.
Dosadašnji košarkaš Mornara Deron Rasel je sinoć donio pobjedu Baranima protiv Cibone, danas je već promovisan kao novi plej Galatarasaja, a Mornar je za to vrijeme predstavio svoje novo pojačanje koje treba da popuni nastalu prazninu.
Novi košarkaš Mornara od danas je američki košarkaš Džordan Aleksander Goldvajer.
”Dvadesetrogodišnji Amerikanac je jesenas imao ugovor sa ekipom Ostin Spars u NBA G ligi a prethodno je u NCAA ligi igrao za Oklahoma Sooners i Duke Blue Devils. U sezoni 2020/2021 prešao je nakon 11 odigranih utakmica u ekipi Duke Blue Devils, u kojoj je imao najbolji prosjek od 5,4 poena i 4 asistencije po utakmici, u sastav Oklahoma Sooners u kojem je imao prosjek 10,4 poena, 3,4 asistencije i 1,6 ukradenih lopti po meču”, saopšteno je na zvaničnom sajtu Mornara.
Dvadesettrogodišnji Goldvajer će debi u AdmiralBet ABA ligi imati 29. januara protiv Partizana u Beogradu, pa će Partizanova publika prva biti u prilici da na djelu vidi ovog igrača.
Izvor fotografije: Ball Durham