NJUKASL NA KORAK OD LIGE ŠAMPIONA
Svrake bolje od Brajtona
U odloženom meču 25. kola Premijer lige, Njukasl je pred svojim navijačima savladao Brajton sa 4:1 i osvojio važna tri boda u borbi za mjesto u Ligi šampiona.
Njukasl je poveo u 22. minuti.Domaćin je dobio korner nakon koga je nespretno loptu u svoju mrežu poslao Deniz Undav. Nastavio je Njukasl sa ofanzivom i to mu je donijelo i drugi gol u četvrtom minutu nadoknade prvog poluvremena. Kiran Tripije je izveo slobodan udarac, poslao loptu u kazneni prostor Brajtona, a Den Braun je samo zakucao glavom za 2:0.
Undav se donekle iskupio za svoj autogol u 51. minutu. Provjeravale su sudije situaciju prije gola, ali je potvrđeno da nije bilo ofsajda i Brajton se vratio u meč.
Njukasl je sve neizvjesnosti otklonio u finišu sa dva brza gola za ubjedljivu pobjedu. Prvo je Kalum Vilson u 90. minutu pogodio za 3:1, a minut kasnije mrežu trese i Bruno Gimaraeš na asistenciju Vilsona.
Njukasl ima 69 bodova na trećem mjestu na tabeli, tri više od Mančester junajteda i četiri od Liverpula. Brajton na šestom mjestu ima 58 bodova, ali idalje ima jedan meč da nadoknadi. Njukasl do kraja sezone ima još duele sa Lesterom kod kuće i Čelzijem u gostima. Brajtonu su ostali mečevi sa Sautemptonom i Mančester sitijem kod kuće i Aston Vilom u gostima.
Izvor fotografije: Reuters