OLMO DEKLASIRAO BAJERN I DONIO TITULU LAJPCIGU (VIDEO)
Neslavan debi Kejna u Superkupu Njemačke
Fudbaleri Lajpciga osvojili su Superkup Njemačke pošto su savladali Bajern sa ubjedljivih 3:0, a junak utakmice bio je trostruki strijelac Dani Olmo. Španac se jednostavno poigravao sa defanzivcima Bajerna i tokom svih 90 minuta ih je doslovno ponižavao.
Već u trećem minutu je iskoristio pas Hejnrihsa i postigao vodeći pogodak. U toku je bio 44. minut kada smo vidjeli jedan od najljepših poteza u fudbalu, slobodno možemo reći godinama unazad. Dobio je loptu od Tima Vernera i priredio pravi ringišpil Matijasu De Lihtu i Konradu Lajmeru koji su se samo pogledali nakon što ih je reprezentativac Španije izbacio iz igre i šmekerski gurnu loptu u mrežu pored golmana Svena Ulriha.
WHAT A GOAL BY DANI OLMO TO DOUBLE LEIPZIG’S LEAD!!#FCBRBL
— Reyi (@Reinaldodcg9) August 12, 2023
pic.twitter.com/Zx2XV8yO57
Koliko je Lajpcig bio dominantan, govori i činjenica da je Tomas Tuhel na poluvremenu napravio čak četiri izmjene. Tada je iz igra izbacio Laimera i De Lihta koji su poniženi kod drugog gola, kao i Pavara i mladog Tela, a oni su mjesta ustupili Komanu, Kimu, Mazrauiju i Hariju Kejnu koji je već stigao da debituje za Bajern, doduše neslavno.
Konačnih 3:0 postavio je isti igrač udarcem sa bijele tačke, a i penal je izveo na perfektan način. Ako se po jutru dan poznaje, sezona Lajpciga, a i sezona mladog Olma može biti kao iz snova.
Izvor fotografije: Getty Images