TOTENHEM PREKINUO POBJEDNIČKI NIZ EVERTONA (FOTO)
Luton srušio Njukasl, Fulam razočarao svoje navijače, het-trik Solankea
Nakon pobjede Vest Hema nad Junajtedom (2:0), u terminu od 16. 00 časova odigrane su još četiri utakmice 18. kola Premijer lige Engleske.
Totenhem je u jednom od derbija kola prekinuo pobjednički niz Evertona i savladao ih rezultatom 2:1 na svom terenu i tako izbio na 4. mjesto sa 36 bodova, tri manje od lidera Arsenala.
Igrao se 9. minut kada je Ričarlison doveo svoj tim u vodstvo nakon odlične asistencije Brenana Džonsona. Nastavio je Totenhem da napada, a to se isplatilo već u 18. minuti kada je Son bio najsnalažljiviji u petercu gostiju i jednu odbijenu loptu poslao iza leđa Pikforda za velikih 2:0. Sa tim rezultatom se otišlo na odmor.
We're back up and running at @SpursStadium 💪
— Tottenham Hotspur (@SpursOfficial) December 23, 2023
Start drugog dijela donio nam je gol Kalverta Luina u 51. minuti, ali on je nakon VAR pregleda poništen zbog prethodnog faula Andrea Gomeša. Imao je Kuluševski šansu u 80. minuti da riješi pitanje pobjednika, ali je Pikford bio maestralan. I onda kako to biva stigla je kazna samo dva minuta kasnije. Nakon jednom ubačaja sa strane, na odbijenu loptu prvi dolazi Andre Gomeš i preciznim udarcem smanjuje zaostatak na 2:1.
COYB! ✊ pic.twitter.com/WvVnlII3RO
— Everton (@Everton) December 23, 2023
Mogao je Dandžuma u sljedećem napadu postići novi gol za goste, ali je Vikario spasio Totenhem.
Fulam je razočarao svoje navijače na Kreven Kotidžu, pošto je poražen od Barnlija sa 2:0. U prvom dijelu nije bilo golova, ali je u nastavku prvo Odobert u 47. minuti doveo goste u vodstvo, da bi konačnih 2:0 postavio Berge u 66. minuti.
Najveće iznenađenje napravio je Luton koji je golom Tausenta u 25. minuti savladao favorizirani Njukasl koji je definitivno u krizi rezultata.
Najviše golova bilo je na ”Siti Graundu” gdje je Notingem sa igračem manje remizirao sa Bourmuntom 2:2. Već u 23. minuti Boli je dobio drugi žuti karton, ali u prvom dijelu nismo vidjeli golove.
Do njih prvi u nastavku stižu domaćini preko Elange u 46. minuti, ali preokret gostiju režira odlični Solanke sa dva gola u 50. i 57. minuti.
Ipak korpulentni Kris Vud u 74. minuti pogađa za 2:2, ali maestralni Solanke svojim trećim golom na meču u 93. minuti postavlja konačni rezultat.
Dominic Solanke has scored as many league goals in 2023/24 as in his previous 96 Premier League games combined (10).
— Squawka Live (@Squawka_Live) December 23, 2023
Reaching double figures in the top-flight for the first time. 🔟#NFOBOU pic.twitter.com/wPfsZ3OKyC
Sve vijesti iz Engleske lige pronađite OVDJE, a najbolje kvote i ponudu u AdmiralBet poslovnicama.
Izvor fotografije: Twitter