TRIJUMF PSŽ-A NA ”PARKU PRINČEVA” (VIDEO)
''Prinčevi'' se mučili, ali ipak slavili protiv Nanta
Fudbaleri PSŽ-a pobijedili su na svom terenu ekipu Nanta rezultatom 2:1 u okviru 15. kola Lige 1.
Umio je Nant u prošlosti da bude problematičan po Parižane. Posljednji put su ih pobijedili prošle godine u februaru kada je bilo 3:1, a jedan od asistenata na meču bio je i Osman Bukari.
No, za ovaj meč važnije je da je prvi gol bio djelo Rendala Kolo Muanija, čovjeka kojeg je PSŽ platio 100.000.000 evra minulog ljeta ne bi li stigao na “Park prinčeva”.
Isti taj Kolo Muani je sa klupe ušao u ovom duelu i bio čovjek odluke. Ali, prije toga, vidjeli smo tijesnu borbu. Prvo je Bredli Barkola solo prodorom u 41. minutu postigao svoj prvenac u dresu “svetaca”. Lako je ispala čitava odbrana Nanta, nije se proslavio ni golman Alban Lafont…
Deset minuta po početku drugog poluvremena, korner izvodi Mole, a Mustafa Mohamed skače na prvoj stativi i Tenas nije imao šanse. Kako pomenusmo, čekao se ulazak Kolo Muanija koji je često ove sezone sa klupe donosio prevagu.
Tako je bilo i ovog puta. Tri minuta po njegovom ulasku u igru – gol. Naravno, nije ga proslavio jer ga je Nant lansirao u Ajntraht gdje je eksplodirao.
Randal Kolo Muani’s goal. 🇫🇷⚽️ pic.twitter.com/GQbBpy9SLA
— PSG Report (@PSG_Report) December 9, 2023
Pokušao je Nant da ostane neporažen u Parizu, imao nekoliko dobrih pokušaja, ali Tenas nije kapitulirao i drugi put.
Tim Luisa Enrikea ostaje lider sa šest bodova više od drugoplasiranog Monaka, Nant je deveti sa 18 poena.
Vi sve vijesti vezane za Francusku ligu pronađite OVDJE, a najbolju ponudu i kvote nađite u AdmiralBet poslovnicama.
Izvor fotografije: PSG/Twitter