UBJEDLJIVA POBJEDA BOLONJE
Udineze neprepoznatljiv u današnjem duelu
U prvoj današnjoj utakmici 28. kola italijanske Serije A, Bolonja je na svom terenu savladala Udineze rezultatom 3:0 i tako prekinula niz od tri utakmice bez pobjede.
Sve je riješeno u prvih desetak minuta utakmice. Već u trećem minutu je odbrana gostiju kapitulirala, kada je Musa Barou asistirao za Stefana Poša, a ovaj poslao neodbranjivi projektil sa tridesetak metara za vođstvo Bolonje od 1:0.
Devet minuta kasnije na semaforu je već pisalo 2:0, kada je Moro pogodio sa ivice kaznenog prostora. Sa tim rezultatom se otišlo na odmor.
Početkom drugog poluvremena Barou je sa petnaestak metara pogodio za 3:0 i jasno dao doznanja Udinezeu da bodovi ostaju u Bolonji.
Inače, Samardžić je na terenu proveo 73 minuta, zamenio ga je Arslan.
Bolonja je ovom pobjedom preskočila današnjeg rivala na tabeli, pa sada ima 40 bodova na osmom mjestu, a Udineze je deseti sa dva boda manje.
Izvor fotografije: EPA