VUJOŠEVIĆ PODRŽAO OBRADOVIĆA I NOVOG IGRAČA (FOTO)
’’Željko zna šta radi i kao navijač Partizana nadam se da će uspjeti’’
Košarkaši Partizana imali su lošu sezonu iza sebe, pa je Uprava kluba već sada počela rekonstrukciju tima. Kako mediji u Srbiji nezvanično prenose čekaju se ozvaničenja prvih potpisa, a to su: Arijana Lakića iz Zadra i Vanje Marinkovića iz Baskonije.
Odlazak Arijana Lakića u Partizan izazvao je suze u Zadru, a upravo o njemu je govorio i trofejni stručnjak i dugogodišnji legendarni trener Partizana Duško Vujošević (65).
’’Arijana Lakića nisam toliko pratio, jer utakmice Zadra obično gledam kad igraju sa Partizanom. Dosta redovno pratim Partizan, Budućnost i Studentski centar, a manje Crvenu zvezdu. Odigrao je Lakić odlično u nekim jako bitnim utakmicama, u kojima je dobro šutirao i rješavao razne situacije’’, rekao je Vujošević za “Antenu Zadar” i dodao:
’’Napravio je Lakić dobru stvar kad je došao u Zadar – gdje publika poznaje košarku i koji ima odličnog trenera Danijela Jusupa, a imao je i dobre saigrače. Uspješno je odigrao posljednju sezonu i svakako je napredovao – u uslovima u kojima je svaka utakmica izuzetno bitna.
Vujošević smatra da Željko Obradović nije pogriješio što je doveo Lakića:
’’Obradović sigurno zna što radi. Želja mu je da napravi ekipu u kojoj bi imao više igrača sa prostora bivše države. To mu je potrebno i zbog veće motivacije. Nadam se, kao navijač Partizana, da će sve biti uspješno.
Od košarkaša pod ugovorima, Željko Obradović na raspolaganju ima: Kevina Pantera, Zeka Ledeja, Aleksu Avramovića, Balšu Koprivicu, Bruna Kabokla, Mateuša Ponitku i Ognjena Jaramaza. Treba napomenuti da Ponitka i Kaboklo imaju “plus jedan opciju”, dok je Jaramaz, navodno, već potpisao za CSKA.
Ovim igračima Partizana su istekli ugovori: Alen Smailagić, Pi Džej Dozijer, Frenk Kaminski, Danilo Anđušić, Uroš Trifunović, Džejlin Smit i Džejmsa Naneli. Sve vijesti iz AdmiralBet ABA lige pronađite OVDJE, a najbolju ponudu i kvote u AdmiralBet poslovnicama.
Izvor fotografije: Starsport